Mezi po pritet nga fansat “Sunny Hill Festival”! Mirëpo së fundmi, faqja zyrtare e festivalit ka publikuar një njoftim të rëndësishëm në Instagram.
Në njoftim thuhet se mjetet e mprehta, ushqimi dhe pijet, parfume, substance narkotike dhe shkrepësat nuk do të lejohen brenda festivalit.
Shumë këngëtarë të huaj e shqiptarë do të elektrizojnë skenën. Më herët, Dua Lipa ka dhënë një intervistë në vlogun e saj ‘Service95”.
Ajo ka treguar se është shumë e lumtur që “Sunny Hill” do të rikthehet në Kosovë. Gjithashtu, ajo ka rrëfyer momente edhe nga fëmijëria e saj kur jetonte në Kosovë.
Dua ka rrëfyer se ajo gjithnjë ka ëndërruar që një ditë të shikonte muzikantët e saj të preferuar teksa performonin për qytetin e saj.
Më tej, këngëtarja shtoi se është shumë krenare për ekipin e saj.
“Jam shumë e lumtur që festivali “Sunny Hill” do të rikthehet përsëri këtë vit në Prishtinë, Kosovë. Kur jetoja në Kosovë, nga mosha 11 deri në 15 vjeç, ëndërroja që një ditë të shikoja muzikantët e mi të preferuar të interpretonin live në qytetin tim, dhe kështu nga dëshira ime dhe e babit tim, lindi pikërisht festivali ynë. Jam jashtëzakonisht krenare për ekipin që na ndihmon me organizimin e festivalit tonë, veçanërisht pasi eventi i vjen në ndihmë edhe fondacionit tonë “Sunny Hill”, i cili mbështet organizata të ndryshme kosovare, veçanërisht ato në fushën e artit dhe të kulturës”, -shkroi Dua.
