Gazetarja që drejtoi hetimin e “Panama Papers” për korrupsion në Maltë, u vra të hënën nga një bombë në makinë pranë shtëpisë së saj.
Daphne Caruana Galizia vdiq pasditen e së hënës kur makina e saj një “Peugeot 108”, shpërtheu nga një eksploziv i fuqishëm.
Një blogere, postimet e së cilës shpesh tërhiqinin më shumë lexues sesa të gjithë gazetat e vendit, Caruana Galizia u përshkrua kohët e fundit nga faqja e internetit Politico si një “një grua WikiLeaks”. Shkrimet e saj ishin një gjemb për institucionet dhe botën e krimit, që mbizotërojnë në shtetin më të vogël të Evropës.
Faktet e zbuluara së fundmi treguan prezencën që kishte kryeministri i Maltës, Joseph Muscat dhe dy nga ndihmësit e tij më të afërt, që lidhin kompanitë “off-shore” me tre burra me shitjen e pasaportave dhe pagesave malteze nga qeveria e Azerbajxhanit.
Asnjë grup ose individ nuk ka marrë përsipër përgjegjësinë për sulmin.
Presidentja e Maltës, Marie-Louise Coleiro Preca, bëri thirrje për qetësi. “Në këto momente, kur vendi është i tronditur nga një sulm i tillë vicioz, unë i bëj thirrje të gjithëve që të masin fjalët e tyre, të mos gjykojnë dhe të tregojnë solidaritet”, tha ajo.
Pas zgjedhjeve të përgjithshme të kësaj vere, komentatorët kishin frikë rikthimin të dhunës politike që dëmtoi Maltën gjatë viteve 1980.
Në një deklaratë, kryeministri Muscat dënoi “sulmin barbar” duke thënë se ai kishte kërkuar nga policia që të lidhej me shërbimin e sigurisë të shteteve të tjera për të ndihmuar, identifikimin e autorëve.
“Të gjithë e dinë se znj. Caruana Galizia ishte një kritike e ashpër e imja, politikisht dhe personalisht, por askush nuk mund ta justifikojë këtë veprim barbar në asnjë mënyrë”, u shpreh ai.
Muscat njoftoi më vonë në Parlament se oficerët e FBI-së ishin rrugës për në Maltë për të ndihmuar me hetimin, duke ndjekur kërkesën e tij për ndihmë nga qeveria amerikane.
Burimi: The Guardian
