Brad Pitt pati një debat me djalin e tij Maddox javën e kaluar, ndërsa familja po udhëtonte për në shtëpi nga Franca, sipas një burimi të afërt të aktorit dhe ish-bashkëshortes së tij, Angelina Jolie, gjë që e shty atë të merrte vendimin për divorcin.
Aktori dhe djali 15-vjeçar patën një mosmarrëveshje për arsye të panjohura, por burimi thekson se Pitt nuk e preku në asnjë moment të birin adoleshent.
Burimi vazhdoi duke thënë se pretendimet e abuzimit ndaj aktorit, si verbale dhe fizike, janë “të ekzagjeruar apo të shpikura”. Pitt tani është duke u hetuar nga FBI dhe shërbimet sociale në Los Anxhelos.
Një deklaratë nga FBI-ja shkruan: “Në përgjigje të kërkesës suaj në lidhje me akuzat brenda juridiksionit të veçantë të avionëve të Shteteve të Bashkuara të Amerikës; në mënyrë të veçantë, një avion që mbante z. Brad Pitt dhe fëmijët e tij, FBI është duke vazhduar mbledhjen e fakteve dhe do të vlerësojë nëse DO Të niset një hetim në nivelin federal”.
Të enjten në mëngjes, një makinë policie mbërriti në kompleksin Jolie-Pitt në Hollywood Hills, ku Pitt besohet se qëndron, ndërsa Jolie dhe fëmijët janë në një shtëpi me qira në Malibu.
Familja raportohet se po udhëtonte me avion për në shtëpi nga Franca, kur ai dyshohet se “e humbi toruan” dhe filloi të “ulërinte” para se të vazhdonte të fliste “përçartë”, kur avioni u ul në pistë.
TMZ raportoi se ky episod dyshohet se nxiti Jolie-n për t’u ndarë nga 52-vjeçari ditën tjetër dhe më pas të paraqiste divorcin.
FBI po heton incidentin, për shkak se dyshohet se ka ndodhur në momentin kur avioni ishte në fluturim. Një zëdhënës i LAPD-s tha për “Fox News” se, për arsyen se incidenti dyshohet se ndodhi në një avion, hetimi është jashtë juridiksionit të tyre.
“US Weekly” raporton se thirrja anonime erdhi nga dikush në avionin që po drejtohej për në Los Angeles, e cila më pas çoi në një takim të anëtarëve të DCFS me familjen menjëherë pasi zbritën në pistë, duke i pyetur lidhur me skenën.
Mësohet se divorci nuk erdhi për Pitt si një surprizë: “Ai po i lutej asaj që ta bënte këtë në heshtje, jo për të shpëtuar martesën, por për të mirën e fëmijëve dhe kjo iu injorua”.
*Shfleto galerinë
Burimi: Daily Mail
