Meghan Markle është vënë në qendër të mediave botërore, sidomos pas fejesës së saj me Princ Harry-n.
Tashmë ka filluar të diskutohet çdo detaj rreth dasmës së saj që do të zhvillohet në muajin maj. Përveç kësaj ajo që na bie më shumë në sy është se Meghan krahasohet gjithmonë me kunatën e saj, princeshën Kate, dhe duket sikur po bëhet një garë e fshehtë mes tyre.
Meghan Marke po shndërrohet në një fenomen kulturor që ndiqet e komentohet nga të gjithë.
Së fundmi u organizua edhe një konkurs për të zbuluar sozinë e saj. Modelja Lukwesa Morin u përzgjodh si sozia e saj më e mirë. 25-vjeçarja u zgjodh si sozia e Meghan nga një sondazh online nga rrjeti social “Beatiful People”, ku njerëzit votojnë njëri-tjetrin nëse janë të bukur apo jo dhe nëse nuk marrin mjaftueshëm vota u mbyllet profili.
Morin ka thënë se ka rreth 2-3 vite, që kur Meghan filloi të bëhej e famshme prej serialit “Suits”, që e kanë krahasuar vazhdimisht me të.
“Dhe tani, që nga fejesa e saj me Princ Harry, unë kam pasur edhe më shumë komente nga njerëzit që thonë: ‘ A jeni Meghan Markle, ju do të martoheni me një Princ?’”, ka thënë Morin për Daily Mail.
Burimi: Daily Mail
