Gazetarja Kozeta Kurti e ftuar në emisionin “Pop Culture” tregoi se dikur ajo ishte pjesë e grupit të punës së“Shtojzovalle”, një emision veror ku përzgjidheshin edhe velinat e “Fiks Fare”. Madje zbuloi edhe një sekret të një ndër moderatorëve më të suksesshme të ekraneve shqiptare.
Kozeta tregoi se pjesë e këtij konkursi u bë edhe Marina Vjollca, por që për pak desh e kishte humbur këtë mundësi.
“Në fakt Marina për pak do ta humbiste shansin. Ajo kishte ardhur më vonë seç duhej në audicione dhe ne u detyruam që ta bënim pjesëmarrëse të një qyteti tjetër në mënyrë që ajo të konkurronte pasi unë pash potencial tek ajo. Shumë e ëmbël” – u shpreh Kozeta në “Pop Culutre”.
Ndërkohë drejtuesja e emisionit “Pop Culture”, Dojna Mema publikoi dhe një video nga intervista e parë e Marinës për tu bërë pjesë e “Fik Fare”.
“Sa lekë do të jepje që të bëheshe velinë e Fiks-it?” – pyetet Marina ndërkohë që ajo duke qeshur thotë: “4 milion lekë”. Sigurisht kjo përgjigje shkaktoi të qeshura edhe tek Kozeta Kurti e Dojna Mema që po e dëgjonin në studio insertin nga arkivat e 2005-ës.
Gjithashtu Marina gjatë intervistës është pyetur se çfarë mendimi kishte për veten e saj.
“Mizerie”, thotë ajo duke qeshur, ndërkohë që Kozeta tha se asokohe Marina nuk ishte e ndërgjegjshme për bukurinë që kishte.
“Marinën e mbaj mend me shpirt shumë të bukur, jo koshiente për bukurinë që kishte sepse në përgjithësi vajzat e asaj moshe e shfrytëzojnë bukurinë, ajo kishte mirësi”, u shpreh Kozeta.
