Fotografitë e jashtëzakonshme që pretendojnë një shtatzëni të fshehtë të ikonës së bukurisë, Marilyn Monroe, janë publikuar sot për herë të parë.
Imazhet ekskluzive të aktores së bukur të filmit “Some Like It Hot”, janë shitur në një ankand në Hollivud nëntorin e vitit të kaluar nga shoqja e Monroe, Frieda Hull, për 2,240 dollarë.
DailyMail ka publikuar gjashtë imazhe unike që kanë qenë pronë e çmuar e mikes besnike të Monroe dhe që zbulojnë një sekret tronditës të saj.
Fotot janë realizuar më 8 korrik 1960, jashtë Fox Studios në Nju Jork, pasi Monroe kishte përfunduar veshjen dhe makijazhin për filmin e saj Misfits, me aktorët Clark Gable dhe Montgomery Clift.
Imazhet tregojnë barkun e rrumbullakët të Monroe dhe HIll pretendon se ylli i kinematografisë ishte në fazat e hershme të shtatzënisë.
DailyMail shkruan se babai i fëmijës nuk ishte burri i atëhershëm i Monroe, dramaturgu Arthur Miller, por aktori italiano-francez Iv Montand, me të cilin ajo u takua në setin e filmit “Let’s Make Love” dhe me të cilin ajo kishte një lidhje.
Tony, 56 vjeç, i cili ishte një mik i ngushtë dhe fqinj me Frieda Hull, zbulon se Hull kishte pasur besim tek ai dhe i kishte rrëfyer në lidhje me shtatzëninë e fshehtë të Monroe. Tony thotë se Monroe e kishte mbajtur sekret shtatzëninë e saj, para se ta humbiste fëmijën gjatë një vizite në spital. Monroe kishte dashur një fëmijë më shumë se çdo gjë në botë, por ky gëzim iu mohua asaj.
Ajo pati tre dështime të mëparshme para se të humbiste këtë fëmijë. Ylli pësoi një gjendje të quajtur “endometriosis” që i shkaktonin dhimbje të forta menstruale.
“Unë i sugjerova që ajo të shiste fotot dhe të gjitha reliket e tjera të saj kështu që të mund të përballonte një vend më të mirë për të jetuar, por përsëri ajo nuk pranoi, dhe tha se kurrë nuk do ta shesë shoqen e saj prej dhjetë vjetësh, Marilyn”, shprehet Tony.
Në total, arkivi i Frieda Hull, përfshinte mbi 550 fotografi me ngjyra dhe bardh e zi, mbi 150 slide me ngjyra, rreth 750 poza filmi, fotot reklamuese dhe filmime personale.
*Shfleto galerinë
Burimi: Daily Mail
