Siç dyshohej, autoritetet e qytetit të New York-ut kanë zbuluar se Leandro De Niro vdiq nga një mbidozë aksidentale e drogës.
Leandro, i cili ishte 19 vjeç kishte në sistemin e tij një kombinim vdekjeprurës drogash duke përfshirë fentanil.
Leandro ishte djali i Drena de Niro dhe nipi i aktorit të famshëm Robert de Niro.
Kryeekzaminuesi mjekësor që punoi në këtë rast konfirmoi se De Niro Rodriguez vdiq për shkak të efekteve të një kombinimi vdekjeprurës nga marrja e fentanilit, bromazolamit, alprazolamit, ketaminës dhe kokainës.
Leandro u gjet i vdekur në një apartament në New York nga një prej miqve të tij muajin e kaluar pasi u zhduk për disa ditë.
