Një aksident i rëndë me pasojë vdekjen e një personi ndodhi mëngjesin e sotëm në unazën e Shkozetit në Durrës.
Një 30-vjeçar i identifikuar si Erjon Beli, humbi jetën pasi automjeti tip “Renault” me targa AA477YN me të cilin udhëtonte, është përplasur me trafikndarësen e më pas ka dalë nga rruga.
Dyshohet se shkak për këtë ngjarje është bërë shpejtësia e madhe me të cilën po udhëtonte viktima. Por një detaj i ri mund të ketë zbardhur komplet situatën.
Nga informacionet paraprake, mendohet se viktima ka qenë duke folur me kamera në telefon në momentin e aksidentit.
Ai ka qenë duke udhëtuar së bashku me vëllain e tij, i cili për fat të mirë nuk ka pësuar asnjë dëmtim.
Beli kishte vetëm një ditë që ishte kthyer nga Italia, për të vizituar familjen e tij.
