Ashtu siç e panë të gjithë, gjatë ceremonisë së djeshme të “Academy Awards”, Warren Beatty dhe Faye Dunaway shpallën filmin “La La Land” si fituesin e çmimit “Filmi më i i mirë”, kur në fakt fituesi i vërtetë ishte “Moonlight”.
Beatty u justifikua menjëherë se gabimi ndodhi, sepse atij padashje i ishte dhënë zarfi i “Aktores më të mirë” në vend të atij për “Filmin më të mirë”. Ishte një gafë historike, por në fakt zbulohet se kjo nuk është hera e parë që ndodh.
Një gabim i ngjashëm ndodhi në vitin 1964 të “Oscar”-it, kur këngëtarit legjendar Sammy Davis Jr. iu dha zarfi i gabuar, ndërsa po prezantonte çmimin “Muzika më e mirë, e adaptuar ose përpunuar”.
Ai lexon nominimet për kategorinë: “Irma La Douce”, “Bye Bye Birdie”, “A New Kind of Love”, “Sundays and Cybele” dhe “The Sword in the Stone”.
Ai më pas shpall fitues Tom Jones, i cili nuk ishte pjesë fare e nominimieve në këtë kategori. Tom Jones fitoi më pas çmimin “Muzika më e mirë origjinale”.
Sammy qeshi dhe u shpreh, “Oh, më kanë dhënë zarfin e gabuar”. Pasi iu dha zarfi i duhur, ai vendosi syzet dhe tha, “Nuk do të bëj më gabime këtë herë”, para se të lexonte fituesen e vërtetë, Irma La Douce.
Pavarësisht se kjo që ndodhi këtë vit është një gafë më e madhe, mund të themi se janë gjëra që ndodhin!
Burimi: Cosmopolitan
