Ish-zëdhënësja e Partisë Demokratike, Laura Vorpsi ishte pjesë e listës së të ftuarve në njërën nga dasmat më të mëdha të vitit, atë të djalit të biznesmenit Ylli Ndroqi.
Por ajo nuk ishte vetëm. Bukuroshja Vorpsi u paraqit në krah të partnerit të saj, Theodhor Çamit, i cili është pronar i një televizioni në Shqipëri.
Që pas largimit nga detyra si zëdhënëse e PD-së, Laura i ka pasur të rralla daljet e saj publike dhe kjo ishte hera e parë që ajo shfaqej me veshje mondane, një fustan klasik në ngjyrën e gjelbër.
Stilit të saj i ishte përshtatur edhe partneri Teo, i cili ra në sy për kombinimin shik dhe kravatën dhe këpucët në nuancat e fustanit të Laurës.
