Ata konfirmuan në korrik se ishin duke pritur fëmijën e tyre të parë.
Dhe tani gjinia e foshnjës së Cristiano Ronaldos dhe Georgina Rodriguez është zbuluar, nga një gafë në “Instagram” e mësuesit të saj të kërcimit.
23-vjeçarja shtatzënë publikoi të shtunën një video ku po merrte leksione të kërcimit “salsa”, ku instruktori shkroi në komente pa e menduar gjatë se çifti po presin një vajzë.
Në një koment që u fshi më pas, instruktori shkroi: “Një kënaqësi të jap leksione “salsa”. Jemi shumë të lumtur me mënyrën se si mësove me herën e parë. Vajza që mban në bark do të bëhet një kërcimtare shumë e zonja”.
Georgina dhe Cristiano u lidhën vitin e kaluar dhe njoftuan se po prisnin fëmijë e parë së bashku.
Burimi: Daily Mail
