Ditët e fundit Elvana Gjata “bombardoi” profilin e saj të “Instagram”-it me foto! Nëse kjo do të bëhej nga një personazh tjetër publik, për ne nuk do të ishte diçka e veçantë. Por kur flasim për Elvanën ajo është gjithmonë e rezervuar në postimet që bën dhe secili prej tyre fsheh diçka, si p.sh., ndonjë projekt të ri.
Ndonëse të gjithë janë në pritje të një kënge të re që do ta bëjë këngëtaren shqiptare të njohur në gjithë botën, ajo çfarë ka përgatitur Elvana është shumë më shumë se kaq.
Misterin e ka zbuluar një nga bashkëpunëtoret e Elvanës në këtë projekt, artistja e grimit Kathy Jeung, e cila ka ripostuar në “Instagram”-in e saj foton e Elvanës dhe nën të shkruan atë të cilën të gjithë po prisnim.
Këto foto të realizuara nga fotografia e njohur Sasha Samsonkva janë për albumin e parë të Elvanës në anglisht.
Kështu pak nga pak u zbulua edhe misteri i këtij seti fotografish që këngëtarja shqiptare publikoi në “Instagram”. Tani mezi presim albumin e saj!
Burimi: Instagram
