Dua Lipa mund të jetë “nuse” në shtëpinë Hadid dhe kjo do të thotë se do t’i duhet të ketë për “kunata” dy prej vajzave më të famshme të pasarelave: Gigi dhe Bella Hadid.
Sot, “IconStyle” publikoi një video ku konfirmohet përfundimisht romanca e saponisur mes Dua Lipa-s dhe modelit Anwar Hadid. (Shiko këtu)
Por, cila është marrëdhënia që ka Dua me motrat e tij?
Bella Hadid duket se nuk e ka fort përzemër të dashurën e re të vëllait. Ajo nuk e ndjek Dua Lipa-n në Instagram.
Mund të duket spekulative, por në fakt Bella Hadid e ka me tërë mend kur vendos të mos e ndjekë dikë në Instagram: kur Selena Gomez u lidh me ish- të dashurin e saj The Weeknd, Bella e hoqi menjëherë Selenën nga njerëzit që ndiqte në Instagram.
Përveç kësaj, Dua e ndjek Bella-n në Instagram.
E kundërta me Gigi Hadid: motra e madhe është fanse e Dua Lipa-s dhe e ndjek atë në Instagram.
Dua e ndjek Gigi-n po ashtu.
Gjithashtu, e ftohtë ndaj vajzës së re me të cilën po njihet i biri është edhe mamaja, Yolanda Hadid. As ajo nuk e ndjek në Instagram Dua Lipa-n. Siç duket, punët s’kanë arritur akoma tek “vjehrra”.
Po njësoj edhe babai, Mohamed Hadid.
Anwar është më i vogli i fëmijëve Hadid dhe mban emrin e gjyshit të tij, i cili ndryshe nga babai Mohamed ka qenë mësues.
Mohamed Hadid njihet si një ndër miliarderët e botës së pasurive të paluajtshme. Ai ka ndërtuar disa nga shtëpitë e njerëzve të rëndësishëm në zonën e Bel Air-it në Los Angeles si edhe në Beverly Hills, Kaliforni, ku jetojnë shumica e njerëzve të famshëm të Hollywood-it.
