Reperi amerikan Drake, konsiderohet si një ndër personat që nuk arrin të krijojë dot një lidhje afatgjatë me asnjë femër.
Vetëm pak ditë më parë Drake u fotografua në Londër në shoqërinë e një kërcimtare 23-vjeçare, Reka Nagy-Mitizicky.
Por, ndërkohë po përflitet se Drake është në një marrëdhënie me këngëtaren Raye.
Një burim ka thënë për “The Sun” se reperi 31-vjeçar iu drejtua për herë të parë këngëtares 20-vjeçare me kërkesën për të dëgjuar muzikën e saj.
“Ai ishte impresionuar nga talenti i saj i krijimit të këngëve por kur u takuan shumë shpejt u bë e qartë se nuk ishte vetëm muzika arsyeja e takimit të tyre”, mësohet të jetë shprehur një burim për “The Sun”.
Pas takimit në studio ata kishin darkuar së bashku në një restorant në qendër të Londrës. Ndërsa burimi është shprehur se Raye është e lumtur që është përkrahë një ylli botëror dhe thjesht po argëtohet dhe po shijon momentin.
Drake i pyetur nga “Daily Mail” për thashethemet e lidhjes së re, ka refuzuar të përgjigjet. Kujtojmë që ai ka pasur lidhje me shumë personazhe të tjerë të njohur , që nga Rihanna, Jennifer Lopez, tenisten Serena Williams. Gjitashtu ai ka pasur lidhje edhe me një striptiste, e cila pretendonte se ishte shtatzënë me reperin dhe së fundmi u përfol se po kalonte netë të zjarrta me një kërcimtare.
Burimi: Daily Mail
