Linda Rama, Monika Kryemadhi, Liri Berisha, Argita Malltezi si dhe Ajola Xoxa janë disa emra të njohur për publikun shqiptarë, të cilët vishen nga stilistja Enada At’Nikolla.
“Nuk mund të them që të gjitha rrobat që ato veshin i kam stiluar unë, por një pjesë të mirë po. Janë zonja shumë të mira, pa huqe dhe pa teka. Kjo varet prej intelektit të personit”, u shpreh stilistja e njohur në një intervistë që ajo dha sot ne emisionin “Wake Up”.
Stilistja Enada At’Nikolla tha se artistët shqiptarë janë shumë të vështirë për t’u veshur.
“Shumicës nuk i pëlqen të ndryshojë stil, kanë mbetur po tek e njëjta pamje pavarësisht se nuk u shkon dhe kanë probleme me imazhin. Më pëlqen shumë Venera Lumani, dhe mënyra se si vishet ajo”, u shpreh stilistja e njohur.
At’Nikolla ndau me publikun edhe momente nga jeta e saj private. Ajo foli për marrëdhënien e saj me dy fëmijët dhe bashkëshortin, të cilët janë suporti më i madh në rrugën që ajo ka zgjedhur.
