Salsano Rrapi do të jetë konkurrenti i radhës në “Dancing With The Stars Albania”. Njoftimi është bërë me dije nga faqja zyrtare në “Instagram” e spektaklit të kërcimit.
“Salsano Rrapi, gjithmonë me humor, por pas votave të jurisë qesh mirë kush qesh i fundit! Mezi presim ta shihim Salsanon ndryshe, në garën e #DWTS”, shkruhet në njoftim.
Më herët, Salsano ka dhënë disa intervista, ku ka folur për karrierën e tij si aktor por edhe si prezantues tek “Portokallia”.
Tek “Portokalli” është një proces shumë interesant, sepse është pikërisht vendi ku mësohet se si mund të bësh humor. Në fillim kam krijuar karaktere por nuk kisha mundësi të shkruaja të hyja në brendësi e të shikoja strukturën e një materiali se si mund ta shkruash e se si zhvillohet. Pastaj me kalimin e kohës duke njohur karakterin e personazhit sepse ashtu siç e njoh unë karakterin e personazhit tim nuk e njeh askush tjetër, kështu që unë i vë fjalët e duhura në gojë. Me kalimin e kohës mësova t’i shkruaj vet materialet e personazheve të mi.
Moderimi dhe aktrimi janë dy gjëra të ndryshme. Në momentin që u largua Agron LLakaj nga ‘Portokalli’ nisi dilema e madhe se kush do e drejtonte sepse ai kishte shumë vite. Regjisori Altin Basha përdori një stil të veçantë se kush mund të ishte drejtuesi i ri. Përpara se të filloj shfaqja në bëjmë një bisedë me publikun dhe i mësojmë ata se si duhet të sillen, të jenë të kujdesshëm p.sh. të mos hanë fara (qesh), të flasësh si vetja jote. Këtë testim Altini e bëri më shumë aktor për disa javë rresht dhe u pa që ishte shumë e vështirë që aktorët të ishin vetja në përgjithësi. Unë kam pas eksperienca në skenë, që i vogël jam marr që në Cerrik ku kam lindur, pastaj në teatrin “Skampa” në Elbasan e shumë të tjera. Por ai me mua përdori një truk, më bëri moderator por si personazh dhe kjo funksionoi
