Ky është imazhi i bombarduesit të Mançesterit, Salman Abedi, pasi doli se sapo ishte kthyer nga lufta në Libi dhe ishte një “fytyrë e urryer” për fqinjët e tij.
Abedi, i lindur në Britani, kishte kaluar kohë në zonën e konfliktit, ndoshta në Siri, para se të vriste 22 persona pasi aktivizoi bombën në Manchester Arena pas koncertit të Ariana Grande, mbrëmjen e së hënës.
Një mik i Abedi-t me prejardhje libiane, tha se sulmuesi ishte kthyer nga një udhëtim 3-javor në Libi, gjithashtu një strehë e ISIS, vetëm disa ditë më parë. Ai mësohet se kishte bërë udhëtime të rregullta në Afrikën e Veriut vitet e fundit.
Mbrëmë u zbulua gjithashtu se ai kishte udhëtuar me tren nga Londra në Mançester, të hënën përpara sulmit. Kjo ka ngritur dyshime se ai mund të ketë takuar bashkë-komplotistët ose ka marrë me pajisjen e tij shpërthyese nga një krijues bombash, ende i paidentifikuar.
Ministri i Brendshëm francez, Gerard Collomb, tha këtë mëngjes se Abedi besohet se kishte udhëtuar në Siri dhe ka pasur lidhje me ISIS.
Sekretari i Shtetit, Amber Rudd, tha se 22-vjeçari ishte i njohur për shërbimet e inteligjencës “deri në një pikë” dhe se me shumë mundësi ai nuk kishte vepruar i vetëm.
Dy adoleshentë, një vajzë 8-vjeçare, dy nëna, një çift polak dhe një hallë, e cila mbrojti mbesën e saj, janë ndër viktimat e masakrës.
Burimi: Daily Mail
