Ndërsa prej pak ditësh Instagrami është pushtuar nga imazhet e një event të quajtur “JUTH”, më në fund kemi detajet.
Në fakt bëhet fjalë për një koncert, ku do të jenë disa nga emrat më të njohur të muzikës shqiptare.
Por mbi të gjitha do të shijoni muzikën e DJ-it të njohur botëror, Robin Schulz.
Ai do të performojë më 8 shkurt në Pallatin e Kongreseve bashkë me Ledri Vulën, MC Kershën, Arilena Arën dhe DJ Vicky-n.
“Ejjj a e morët vesh!? Do bëhet nami më 8 shkurt tek Pallati i Kongreseve! Festë e paparë me drita, me muzikë, me gjëra. Por që të hysh atje duhet të marrës biletën tek aplikacioni JUTH. Kujdes! Vetëm nëse je deri në 25 vjeç”, shkruan në postimin e tij moderatori Ermal Mamaqi, që na njeh me detajet.
Që të marrësh një biletë falas mjafton të shkarkosh aplikacionin “JUTH”, për Android dhe iOS, të pranosh lidhjen me profilin në Facebook për të verifikuar emrin apo moshën dhe “voila”, sapo prenotove lejen për të hyrë.
