DJ-i suedez Avicii kishte një të dashur sekrete dhe ishte një njerk i marrosur pas djalit të saj të vogël.
Modelja Tereza Kaçerova ka postuar një letër të hapur në Instagram, në të cilën ajo zbuloi se çifti kishte planifikuar të kishte fëmijë.
Ajo gjithashtu postoi një video të fotografive nga koha e tyre së bashku, duke treguar marrëdhënien e ngushtë të Avicii-t me djalin e saj Lucas.
Avicii, emri i vërtetë i të cilit ishte Tim Bergling, u gjet i vdekur në Muscat, Oman, të premten e javës së kaluar.
“I dashuri Tim, kam kaluar ditët e fundit duke pritur që t’i të zgjohesh, duke pritur që dikush të më thotë se është një shaka e keqe, një gabim i tmerrshëm. Nuk po më besohet që nuk do të shoh më kurrë”, shkruan modelja.
Në letër ajo kujton kohën që kanë kaluar bashkë dhe flet për planet që kishin për të ardhmen.
“Unë të thosha se Lucas nuk do ta kujtojë kurrë një jetë pa ty. Tani shpresoj që ai do të kujtojë jetën e tij me ty. Do të jem aty për ta kujtuar atë. Do t’ia tregoj. Sa herë që mendoj për diçka që nuk do të mund ta përfundojmë, ndjej dhimbje në zemër. Ne kurrë nuk e përfunduam maratonën e Harry Potter-it, mbeti dhe një e fundit. Nuk të binda do kurrë që emri i vajzës sonë DUHET të jetë Serafina. Nuk përfundove kurrë tatuazhin në parakrah që do të ishte një portret i ngjashëm me timin”, lexohet në letrën e Tereza Kaçerovas të postuar në “Instagram”.
Ajo ka ndarë një video ku mbledh disa nga kujtimet e çiftit dhe djalit të saj Lucas, si dhe reagimin e këtij të fundit duke qarë dhe duke kërkuar Tim.
Burimi: Daily Mail
