Një lidhje të re kemi zbuluar së fundi në radhët e showbiz-it shqiptar.
Vera e 2018-s dyshohet se e gjeti çift këngëtaren Beatrix Ramosaj, e cila është e lidhur me reperin e njohur Escobars.
Burime për “iconstyle.al” konfirmojnë se Beatrix dhe Escobars mund të jenë lidhur gjatë muajve të verës 2018 duke i dhënë vetes një shans për të qenë më shumë sesa thjesht shokë.
Escobars jeton në Londër dhe njihet mirfilli si një artist i ri atje, veçanërisht pas publikimit të këngës “Again n Again”.
“Iconstyle.al” zbuloi se ditët e verës ai i ka kaluar në Shqipëri, nën shoqërinë e Beatrix dhe këto zëra vërtetohen edhe nga postimet e tij në Instagram.
Ne u hodhëm një sy postimeve të tij dhe më sa vumë re, Beatrix ishte thuajse në çdo video në highlights.
Në njërën nga videot madje Escobars e thërriste “Zemër” këngëtaren, ndërsa vazhdimisht e filmonte, duke notuar, duke ngrënë apo duke marrë rreze dielli.
Beatrix nga ana e saj nuk ka asnjë foto apo video të publikuar në Instagram. Pas ndarjes së bujshme nga i dashuri Ervi Cenolli, me të cilin ka qenë e lidhur nga viti 2015-2017, Beatrix me sa duket, ka vendosur të mbajë larg syve të publikut lidhjen e re.
