Ata janë parë gjithnjë bashkë dhe janë përceptuar gjithmonë si një dyshe e pandashme. Por ditën e djeshme, teksa dolën fotot e ditëlindjes së fotografit, i cili mbushi 27 vjeç, në festën e zhvilluar u vu re mungesa e Aurelës.
Menjëherë portalet nxituan të aludonin për një krisje të marrëdhënies së tyre, duke ju referuar si shkak mungesës së Aurelës në një ditë kaq të rëndësishme për Mërtirin.
Duke u nisur nga këto detaje dhe nga heshtja e Aurelës u aludua se dyshja nuk flasin më me njëri-tjetrin. I ftuar sot në “Wake UP” në “Top Channel” Endriti u pyet për Aurelën, por ai e konsideroi si diçka personale dhe nuk preferoi të fliste.
“Mesazhet vijnë në vende të ndryshme. Nuk kam ndërmend të sqaroj njeri. Janë disa gjëra personale që unë zgjedh t’i mbaj për vete. Edhe nëse do ta prishim marrëdhënien, s’do ta bënim publike. Mediat e ekzagjerojnë”, është shprehur Mërtiri.
Megjithatë “Opinion” shkruan se mes fotografit dhe modeles nuk ka ndodhur asnjë konflikt. Shkak për mungesën e Aurelës, ka qenë pikërisht distanca, pasi modelja prej disa kohësh është zhvendosur në Barcelonë së bashku me Dorina Gegiçin.
