Mbi një muaj pas ndarjes nga jeta të mbretit të legjendës së muzikës, jepet përgjigjja për arsyet e fundit fatal të Prince. Testet e toksikologjisë të ndërmarra për vdekjen e Prince zbuluan se artisti ndërroi jetë si pasojë e një overdoze aksidentale nga “opioid fentanyl”.
Ky i fundit, fentanyl, që jepet nga mjekët për trajtimin e kancerit, është përgjegjës për një rritje të vdekjeve nga overdozat në Shtete e Bashkuara, duke qenë se prodhohet masivisht edhe në mënyra ilegale. Ky mjekim është 25 deri në 50 herë më i fuqishëm se heroina dhe 50 deri në 100 herë më i fuqishëm se morfina.
Prince Rogers Nelson u nda nga jeta më 21 prill në moshën 57-vjeçare, pasi u gjet pa ndjenja në ashensorin e shtëpisë së tij në Minesota. Në raportin e publikuar nga zyra e ekzaminuesit mjekësor, nuk bëheshin të ditura shumë detaje për vdekjen e artistit, përveç faktit që Prince e kishte konsumuar vetë medikamentin në masën e gabuar.
Ndërkohë që nuk dihet nëse e kishte marrë me recetë apo ishte i prodhuar ilegalisht.
Burimi: CNN
