Arkeologët në Turqinë Perëndimore kanë bërë një zbulim të ri dhe mjaft të veçantë.
Një anë altari për perëndeshën greke Demeter u gjet gjatë gërmimeve në qytetin e lashtë romak të Blaundus-it.
Blaundus, i njohur gjithashtu si Blaundos, ishte në provincën romake të Lidias dhe është qyteti që u ndërtua për herë të parë nga maqedonasit që erdhën në Anadoll, apo Turqinë e sotme, pas fushatës ushtarake të Aleksandrit të Madh.
Rrënojat e qytetit antik, që ndodhet në atë që tani është rrethi Ulubey i provincës Usak, u pushtuan më vonë nga romakët, sipas “Anadolu Agency” (AA).
Duke folur për “Anadolu Agency”, Birol Can, profesor i arkeologjisë në Universitetin “Usak”, ka bërë me dije se vendi i altarit u zbulua në oborrin e tempullit të perëndeshës Demeter, që simbolizon bujqësinë, drithin dhe korrjen në mitologji.
“Ai ka të paktën dy hapa, me përmasa afërsisht 5×4 metra. Ne nuk kemi shumë të dhëna për super strukturën e saj”, tha Can.
Tempulli i Demeterit ishte shumë i respektuar në atë kohë, tha Can dhe ata planifikojnë të vazhdojnë punën në rajon vitin e ardhshëm dhe të përfundojnë punën e restaurimit.
Ai gjithashtu tha se gjatë gërmimeve ekipi zbuloi cisterna që datojnë nga periudha bizantine.
