Të gjithë e dinë që spektakli i ri që do të nisë në Tv Klan, titullohet “C’est la vie”, dhe është një spektakël muzikor, që do të prezantohet nga Marina Vjollca.
Përgatitjet tashmë kanë filluar dhe pjesëmarrësit kanë zbuluar edhe detajet e para nga ky projekt.
Hapja e spektaklit duket se do të bëhet nga trupa e baletit, e koreografit Albi Nako të cilët në prova shihen duke kërcyer me këngën “C’est la vie” që do të jetë edhe sigla e këtij spektakli.
Në këtë spektakël do të marrin pjesë këngëtarë profesionistë dhe personazhe të njohur të ekranit, të cilët nuk kanë lidhje me këngën. Ata do të vlerësohen nga një juri profesionistësh.
Njëri prej tyre është Bes Kallaku, i cili tashmë e ka zbuluar se do të angazhohet seriozisht në muzikë.
