Ngjarja e sotme e ndodhur në Laprakë ku u vra 17-vjeçarja Brisejda Gjikola dhe shoqëruesi Erjol Bengo mbeti i plagosur, duket se është zbardhur nga uniformat blu.
Sipas njoftimit zyrtar, policia thotë se autori ka qëlluar për motive të dobta, ndërsa thuhet se janë vënë në gjurmët e autorit të krimit, identiteti i të cilit nuk mund të bëhet public për arsye hetimore.
“Autori dyshohet se për motive të dobëta ka qëlluar me armë zjarri drejt shtetasve B. Gj., 17 vjeçe dhe E. B., 23 vjeç, të cilët ndodheshin së bashku në një mjet në zonën e Laprakës“, thuhet në njoftimin e policisë.
Por burime nga policia bëjnë të ditur se në krim kanë marrë pjesë dy persona, të cilët kanë qenë të maskuar. Megjithate ky informacion mbetet ende për t’u identifikuar.
Sipas Ora News Mësohet se 17-vejcarja mori një plumb në kokë dhe ndërroi jetë në spital, ndërsa Erjol Bengo ka marrë një plumb në shpatull dhe ndodhet në gjendje të rëndë. Ky i fundit dyshohet se ka qenë i ndaluar nga policia rreth dy vite më parë.
“Si pasojë e të shtënave shtetasia B. Gj., ndërroi jetë në spital, ndërsa shtetasi E. B., ndodhet nën kujdesin e mjekëve”, tha policia.
