Luana Vjollca dhe Bujar Qamili, do të publikojnë së shpejti bashkëpunimin e tyre të parë muzikor. Në një intervistë për emisionin “Thumb”, këngëtari Bujar Qamili bëri të ditur se ftesa erdhi nga vetë Luana.
“Është e vërtetë kam pasur një telefonatë shumë miqësore nga Luana dhe familja e saj. Më sugjeroi diçka që rrallë e kam dëgjuar. Kërkon të bëjë një remix të këngëve të mia me këngët e saj që unë besoj do dalë një gjë interesante. Kam besim tek ajo sepse gjithë organizimin, klipin, miksimin do e bëj Luana. Kam zgjedhur 3 këngë më të bukura të miat.”,- tha Bujar Qamili.
Edhe përse shfaqet entuzjast për këtë bashkëpunim, ka diçka që e shqetëson këngëtarin shkodran.
“Halli im dhe ajo që më shqetëson është videoklipi, unë kam për të dalë me kostum ndërsa Luana do vishet bukur kurse unë i shkreti me kollare. S’bëhet fjalë që do shkojë shumë mirë. Kush nguron para Luanës? “ – tregon Bujar Qamili.
