Pak muaj më parë, aktori i njohur turk Tolgahan Sayışman shkoi në shtëpinë e shqiptares, Almeda Abazi në Turqi, për t’i kërkuar dorën në mënyrë tradicionale. Në një festë familjare çifti shpalli fejesën dhe menjëherë pas saj nisën edhe përgatitjet e dasmës.
Ceremonia e martesës u mendua në pranverë, por pak ditë më parë u mësua se dita e shënuar për Almedën, 13 shkurti, dita që përkon me 25-vjetorin e saj, do të jetë një festë e dyfishtë.
Mediat turke kanë publikuar sot më shumë detaje për dasmën e Almedës dhe Tolgahan. Ҫifti kanë vendosur që ceremonia të organizohet në shtëpinë e tyre në Los Angeles, ku do të jenë të ftuar familjarët dhe njerëz më të afërt të çiftit.
Hurriyet.com shkruan se çifti është thuajse gati për ceremoninë e celebrimit, e cila do të pasohet edhe nga një festë private me miq të afërt.
