Astronautët kanë dalluar një sistem ylli me planete, në të cilën mund të zhvillohet jeta dhe gjenden vetëm 39 vite dritë larg.
Në një konferencë emergjente për shtyp të mbajtur ditën e djeshme, por të lajmëruar disa ditë më parë, NASA dha lajmin e rëndësishëm: zbulimin e shtatë planetëve në madhësinë e planetit Tokë.
Zbulimi konsiderohet si një nga më të rëndësishmit, që është bërë ndonjëherë nga ” Agjencia Kombëtare Hapësinore” Amerikane. Kjo sepse planetët kanë kushte atmosferike dhe madhësi të përshtatshme, që në to të zhvillohet jetë.
“Kjo është hera e parë që disa planete të këtij lloji ndodhen rreth orbitës të së njëjtit yll”, tha një përfaqësues i NASA-s.
Të shtata planetet janë të vendosura në renditje të rregullt, rreth një ylli të ftohtë të quajtur TRAPPIST-1. Të dhënat e para tregojnë që ata janë planete shkëmborë dhe se disa prej tyre mund të kenë oqeane në sipërfaqe. Ata ndodhen në një hapësirë pesë herë më të vogël se distanca e Mërkurit nga Dielli ynë. Kjo gjë i lejon studiuesve, ta analizojnë sistemin në thellësi.
Ajo që i bind shkencëtarët në teorinë e tyre, se ky sistem mund të zhvillojë jetë është fakti që ka temperatura pak më të ulëta, se ato të planetit Tokë dhe një sasi të përballueshme të gazeve serë në atmosferë.
Tre nga planetët kanë kushte kaq të mira atmosferike, sa shkencëtarët thonë se jeta mund të ketë evoluar tashmë në to. Kërkimet thonë se ata do ta kuptojnë brenda një dekade, nëse në to ka jetë apo jo, ndërsa shprehen se, “ky është vetëm fillimi”.
Burimi: Daily Mail
