E mbani mend ëndrrën e fundit që keni parë? Edhe pse mund të mos i mbani mend, është e provuar shkencërisht se të gjithë njerëzit shohin ëndrra gjatë gjithë jetës. Këto 6 ëndrra do t’i keni parë të paktën një herë në jetën tuaj:
1.Sikur rrëzoheni
Në qoftë se shikoni në ëndërr sikur rrëzoheni, me siguri po kaloni një moment jo shumë të mirë. Ndjesia e rrëzimit nënkupton që jeni i pasigurtë dhe nuk dini në ç’terren po shkelni.
2.Sikur fluturoni
Kjo ëndërr ka dy kuptime: a. Lartësia shpreh dëshirën për të patur situatën nën kontroll të vazhdueshëm, mund të bëhet fjalë për një gjendje në familje, shoqëri ose në marrëdhëniet personale; b. Kurse sipas interpretimit të dytë, personat shohin këtë lloj ëndrre duan ta lënë vetën të lirë dhe të përhumben në ajër.
3.Ëndërroni sikur ju ndjekin
Kjo është një nga ëndrrat më të zakonshme që shohin shumica e njerëzve. Në qoftë se ju ndodh të shihni vazhdimisht ëndrra të tilla do të thotë që keni frikë dhe po përpiqeni t’i shpëtoni një situate të vështirë.
4.Sikur hani
Ju ka ndodhur të shihni në ëndërr sikur zhyteni kokë e këmbë në frigorifer dhe më pas të jeni zgjuar më të uritur se kurrë ? Kjo ëndërr nuk ka të bëjë aspak me nevojën për t’u ushqyer, por nevojën për dashuri dhe mbështetje.
5.Sikur nuk gjeni banjën
E çuditshme, por kjo është një tjetër ëndërr shumë përcaktuese për një person. Banja në ëndërr përfaqëson udhëkryqin e ndjenjave dhe pamundësinë për të marrë vendimin e duhur.
6.Sikur i jepni makinës
Në qoftë se shihni vazhdimisht këtë lloj ëndrre, duhet të merrni nën kontroll timonin e jetës suaj. Kini kujdes shpejtësinë me të cilën merrni situata të ndryshme.
