Një 69-vjeçar u qëllua dje për vdekje në Tropojë në fshatin Doberdol.
Policia ka bërë të ditura sot disa detaje në lidhje me viktimën dhe autorin. Sipas uniformave blu, Tahir Bajraktari, banues në Tiranë, është vrarë nga N.L, 54 vjeç.
Viktima kishte udhëtuar nga Tirana në drejtim të Tropojës dhe është qëlluar për vdekje në banesën e N.L nga vetë 54-vjeçari pas një sherri mes tyre.
Ende nuk bëhen të ditura motivet e kësaj ngjarje, ndërsa po punohet për kapjen e autorit të krimit.
Njoftimi i Policisë:
Policia identifikon autorin e dyshuar të vrasjes së 69-vjeçarit në bjeshkën e Doberdolit Tropojë.
Në lidhje me ngjarjen e ndodhur mbasditen e datës 18.09.2018, ku u gjet i vrarë me armë zjarri shtetasi T.B, 69 vjeç, Drejtoria Vendore e Policisë Kukës, ngriti një grup të posaçëm hetimor. Falë veprimeve të shpejta dhe profesionale si dhe hetimeve intensive nga grupi hetimor, u bë e mundur identifikimi i autorit të dyshuar shtetasi N.L, 54 vjeç banues në Tiranë.
Shtetasi N.L dyshohet se më datë 18.09.2018, për motive të dobëta dyshohet se ka vrarë me armë zjarri në banesën e tij në bjeshkën e Doberdolit, Tropojë Fshat, shtetasin T.B., 69 vjeç, banues në Tiranë.
Vijon puna për kapjen e autorit të dyshuar të kësaj ngjarje. Materialet i kaluan Prokurorisë pranë Gjykatës së Shkallës së Parë Tropojë, për veprat penale të parashikuara nga nenet 76 e 278 të Kodit Penal.
