Ditën e djeshme humbi jetën 25 vjeçarja Rexhina Debrozi 1 orë pasi solli në jetë fëmijën e saj të parë.
Sipas ekspertizës vdekja e së resë pas lindjes cezeriane ka ardhur nga koagulimi. Koagulimi është mpiksje e gjakut, që e bën këtë të fundit të trashë deri sa thahet përfundimisht. Rezulton se mpiksja e gjakut është bllokuar në një nga venat kryesore që çon gjakun në mushkëri, duke shkaktuar kështu vdekjen e menjëhershme.
Nga ana tjetër familjarët akuzojnë mjekët për humbjen e së afërmes së tyre. Lidhur me ngjarjen policia ka arrestuar dy mjekët Nikollaq Thano, reanimator dhe Mehmet Ibaj, kardiolog.
Ndërkohë ditën e sotme, mjekët e spitalit të Elbasanit kanë pezulluar të gjitha operacionet në shenjë proteste për arrestimin e kolegëve të tyre, duke u shprehur se ndihen të pasigurtë.
Burimi: Newsbomb
