Të tjera detaje kanë dalë në dritë nga pallati mbretëror. Tashmë fokusi ka qenë tek Princ William dhe Princ Harry. Shkrimtari Valentine Low ka dhënë disa detaje lidhur me marrëdhënien që dy vëllezërit kanë me njëri-tjetrin.
Ai ka thënë ndër të tjera se prioriteti dhe fokusi më i madh ka qenë pikërisht tek reputacioni i William se sa i Harry-t.
“Më kanë thënë se që kur Harry ishte adoleshent, pallati e kishte prioritet reputacionin e Princit William mbi atë të Princit Harry. Për shembull, ka një histori në lidhje me një gazetë që kontakton ekipin e komunikimit të pallatit për të komentuar mbi një histori negative të William. Strategjia e pallatit ishte të ofronte një histori negative të Harry-t për të mos u publikuar historia e William-it. Nuk e di sa shpesh është përdorur kjo strategji, por kam dëgjuar nga një ish-punonjës se ka ndodhur”, tha ai.
“Sigurisht, Pallati do të bëjë gjithçka që mundet për të mbrojtur trashëgimtarin. Princi dhe Princesha e Uellsit [Kate Middleton] janë e ardhmja dhe përparësia”, vijoi ai.
Meghan Markle ka thyer heshtjen e saj për vdekjen e Mbretëreshës Elizabeth II së fundmi.
“Ndihem me fat që e kam njohur”, tha ajo për Variety në një intervistë të botuar të mërkurën.
“Jam vërtet mirënjohëse që kam qenë në gjendje të jem me burrin tim, [Princ Harry], për ta mbështetur atë, veçanërisht gjatë asaj kohe,” vazhdoi ajo. “Ajo që është kaq e bukur është të shikosh trashëgiminë që gjyshja e tij mundi të linte në kaq shumë fronte.”
