Një atentat me armë zjarri tronditi mbrëmjen e sotme Laprakën! Griselda Gjinkola,vetëm 17 vjeç, humbi jetën si pasojë e atentatit me plumb në kokë, ndërsa Erjon Denga është në gjendje të rëndë për jetën. Ata ndodheshin brenda në makinë në momentin kur ndodhi ngjarja e rëndë.
“Ballkanweb” publikon pamjet nga vendi i ngjarjes, ku shihet se zona është mes disa pallateve dhe jo shumë e ndriçuar.
Nga të dhënat paraprake mësohet se dy atentatorët, të maskuar me kapuçë, ishin në këmbë, kur nisën të qëllonin me breshëri drejt makinës tip ‘A class’ me ngjyrë gri, ndërsa plumbat prekën dy të rinjtë. Po ashtu plumbat prekën edhe automjete të tjera që ishin pranë vendit të ngjarjes.
Burimi: Ballkanweb
