Një krim i 8-fishtë tronditi pasditen e së premtes mbarë opinionin, pasi i riu nga Resulaj i Vlorës, ekzekutoi me breshëri tre familje duke i lënë të vdekur. Debati mes autorit të krimit Ridvan Zykaj dhe viktimave kishte nisur pesë vite më parë, kur familja Zykaj kishte akuzuar 24-vjeçarin, se i kishte vjedhur 5 pula deti. Pak ditë më parë, ata kishin debatuar sërish, këtë herë për bagëtitë.
Sipas “Ballkanweb”, ditën e sotme i riu bashkë me familjen e tij, (jetonte me prindërit, motrën dhe vëllain) kishin qenë në një drekë familjare tek një kushëriri i tij, pasi ky i fundit ishte kthyer nga emigrimit. Nën efektin e alkoolit, ai ishte larguar më herët nga të tjerët dhe ishe drejtuar për në shtëpi, ku ka marrë edhe kallashnikovin. Menjëherë ai është drejtuar për në banesën e Demir Zykajt, vëllait të gjyshit të tij (familja me të cilën kishte konflikte) dhe ka hapur zjarr, duke e lënë të vdekur.
Pas tij, ai ka qëlluar mbi gruan e Demirit, bashkë me djalin dhe nusen e tij. Ridvani nuk është ndalur me kaq, por u drejtua banësës ngjitur dhe qëlloi mbi djalin e Demirit, gruas së tij dhe dy fëmijëve të mitur, 17 dhe 9 vjeç. Pas tragjedisë, autori është larguar bashkë me armën. Forca të shumta të Policisë, Renea, Delta Forcë, Fnsh, dhe forcat e Drejtorisë Vendore të Policisë Vlorë janë vënë në ndjekje të tij.
VIKTIMAT
1-Demir Zykaj, 75 vjec (Vellai i gjyshit të autorit)
2- Ferie Zykaj, 72 vjece, (Gruaja e Demirit)
3-Besim Zykaj, 42 vjeç (Djali i demirit)
4-Vasilika Zykaj, (Gruaja e Besimit)
5-Sara Zykaj, 17 vjeçe (Vajza e Besimit)
6-Ledjon Zykaj, 9 vjec (Djali i Besimit)
7-Azem Zykaj (Djali i Demirit)
8-Afërdita Zykaj (Gruaja e Azemit)
