Një 28-vjeçar u vra mbrëmjen e sotme në zonën e Astirit.
Ende nuk dihen shkaqet e krimit, apo autorët, ndërsa viktima është identifikuar si Vilson Tafçiu.
Burime për Top Channel bëjnë me dije se atë e kanë thirrur pasi ka qenë në lokal dhe më pas e kanë qëlluar në një rrugicë aty pranë.
28-vjeçari kishte ardhur për të bërë varrimin e gjyshes ditën e sotme pasi i kishte ndërruar jetë.
Mësohet si ai ka qenë më pari i arrestuar në Francë për drogë dhe është deportuar në vendin tonë.
Gjithashtu bëhet me dije se në lokal nuk ka qenë vetëm.
Sipas gazetares Klodiana Lala, bazuar në të shkuarën e të riut me dy mbiemra, një nga pistat ku po heton policia është prishja e pazareve të drogës.
