Zayn Malik nuk është shok me asnjë nga djemtë e “One Directon” edhe përse qëndruan pesë vite bashkë. 25-vjeçari në një intervistë për “British Vogue” tregoi se nuk i ka takuar ish-kolegët për një kohë të gjatë dhe marrëdhënia mes tyre është prishur në momentin që ai vendosi të largohej nga grupi në 2015.
“Unë kam qënë gjithmonë kështu, si një ishull. Nuk më pëlqen të tregoj jetën time personale tek njerëzit. Ne udhëtonim drejt arenave, stadiumeve dhe asnjëherë nuk kishte një moment pushimi. Gjithçka Boom Boom Boom!” – u shpreh Zayn.
Këngëtari britanik kujton periudhën e suksesit me “One Direction”, kur ishin vetëm adoleshentë dhe tregon ndikimin që pati në personalitetin e tij.
“Duhet ta pranoj se ai lloj progresi për mendjen, veçanarisht kur je 17, 18 vjeç të prek. Çdo njeri e përjeton ndryshe, ndërsa në grup ishin 5 personalitete të ndryshme. Marrëdhënia me ta nuk mund të vijonte më. Por kjo është jeta. Njerëzit ecin përpara, ndahen dhe rriten.”- tha këngëtari britanik.
Në 2015, Zayn theksoi se ka vendosur të shkëputet nga grupi sepse ka dëshirë të ketë një jetë normale, ashtu siç çdo moshatar i tij.
