Fakti që u largua i pari nga grupi “One Direction”, shkaktoi disi zemërim te shokët e tjerë të grupit.
Por edhe pse ka kaluar shumë kohë, duket se tensionet vazhdojnë të jenë të larta në mesin e yjeve, pasi Zayn Malik, 24 vjeç, pranoi për UsWeekly se: “Nuk flet me asnjërin prej tyre, në të vërtetë”.
“Të jem i sinqertë, kurrë nuk kam folur me Harry [Styles] edhe kur isha në grup.”
Ylli i hitit “Pillowtalk” pranoi në intervistë se ai beson se distanca dhe mosha kanë bërë që grupi të zbehë lidhjet, duke shtuar se “Kështu e ka jeta”.
“Nuk është më si më parë, natyrisht që ishim shumë më afër, sepse ishim bashkë, kalonim 24 orë në ditë në grup”.
Por jo të gjitha hatërmbetjet mund t’i atribuohen kalimit të kohës, si për shembull, marrëdhënia e tij të largët me Harry Styles:
“Unë në të vërtetë nuk kam pritur shumë nga marrëdhënia me të kur u largova. Dhe nuk e pres as tani”.
Me sa duket, marrëdhënia mes dy çunave nuk ka qenë e mirë që kur ata ishin pjesë e grupit.
Zayn u largua nga grupi në vitin 2015 dhe largimi i tij ishte i acaruar.
Në një intervistë për “The Sun”, ai zbuloi se kishte qenë i pakënaqur për një kohë të gjatë.
“Unë u përpoqa të bëja diçka që nuk isha i lumtur, për hir të lumturisë së njerëzve të tjerë. Dhe këtë e bëra kryesisht për fansat. Kjo ishte vetëm për ta”.
Zayn po shijon lidhjen me modelen Gigi Hadid dhe çifti duken shumë të lumtur me njëri-tjetrin.
Burimi: Daily Mail
