Ish-ylli i “One Direction” tregoi se ka patur probleme me ushqyerjen gjatë 5 viteve që ka qenë pjesë e grupit. Këngëtari i hitit “Pillowtalk”, pritet të publikojë autobiografinë në të cilën flet për kohën e vështirë dhe të lodhshme, si pjesë e një prej grupeve më të rëndësishëm.
Në një deklaratë të publikuar nga “The Sun”, Zayn tregon se u sëmur jashtëzakonisht shumë, duke arritur deri në tre ditë që nuk konsumonte ushqim për shkak të lodhjes së punës.
“Kur shikoj fotografitë e nëntorit 2014, kuptoj se sa i sëmurë isha. Është diçka për të cilën nuk kam folur kurrë më parë, por pasi lash grupin kuptova se vuaja nga çrregullimet në ushqim”, shkruan në librin e tij Malik.
Ai vazhdon më tej: “Sikur nuk kisha ndonjë shqetësim për peshën time, rrija me ditë, ndonjëherë dy ose tre ditë, pa ngrënë asgjë. Ajo u bë shumë serioze, edhe pse në atë kohë nuk e kuptoja se çfarë po më ndodhte”.
Pas largimit nga banda Zayn pranoi se vuante nga çrregullimet e ankthit, gjë e cila pengoi punën e tij solo.
Burimi: Daily Mail
