Këngëtari Zayn Malik dhe modelja e njohur Gigi Hadid, gati një muaj më parë bënë publike ndarjen e tyre nëpërmjet një postimi në Instagram. Këngëtari simpatik bëri të ditur se ai e respektonte shumë Gigi-n si mike, por lidhja e tyre nuk funksionoi më për shkak të angazhimeve të shumta që ata kanë në karrierën e tyre artistike.
Që pas kësaj deklarate nuk pati më asnjë reagim nga asnjëri prej tyre. Mirëpo gjatë një interviste telefonike me Ryan Seacrest, Zayn tha se shpresonte ta dashuronte Gigi-n përjetë.
“Isha i dashuruar dhe ishte goxha e qartë. Shpresoja që ta dashuroja për gjithë jetën time dhe për gjithë jetën e saj, siç shpresojnë shumë prej nesh. Gjërat ndryshuan dhe ecëm para në jetë. Kohërat ndryshojnë, por këtë po mendoja kur e shkruaja këngën ‘Let me’”, tha këngëtari 25-vjeçar.
Me këtë deklaratë Zayn sapo konfirmoi të gjitha hamendësimet e fansave se kjo këngë është një dedikim për Gigi-n dhe historinë e tyre të dashurisë.
“Ne përjetojmë gjëra dhe krijojmë kujtime dhe histori për t’i shkruar dhe për t’i menduar. Duhet të bësh diçka me përvojat e tua. Duhet të mbahen mend përjetë”, shpjegoi më tej Zayn.
Burimi: ELLE
