Ndonëse shumë prej tyre e mohojnë, çdo këngë duket të ketë pak (në shumë raste shumë) nga zemra dhe jeta personale e artistëve.
Shumë janë dedikime, të tjera thjesht indicie, por bazohen në emocione dhe ndjesi të vërteta.
Diçka të tillë, na e ka treguar së fundmi, Ardian Bujupi, i cili shumë shpejt do publikojë një këngë të re të titulluar “Zarar”.
Nëpërmjet një Instastory, ai ka bërë me dije se ajo i dedikohet një dashurie 5-vjeçare, në të cilën i është thyer zemra pasi personi në fjalë s’ka bërë asnjë hap para.
Sapo bëra një këngë “Zarar” rreth një dashurie toksike ku për 5 vite nuk është bërë asnjë hap para! Është çmenduri!
Nuk dihet se kur do publikohet kënga, por nga fabula duket të jetë prekëse.
Së fundmi, Ardiani është përfolur për një lidhje dashurie me Sabrine Khan dhe ndonëse ai i ka mohuar këto zëra, provat na bëjnë shumë të dyshojmë. (KLIKO)
Ai është një person shumë hermetik dhe nuk dimë të themi se kush ia ka thyer zemrën, por le të presim publikimin e këngës për të mësuar më shumë.
Këtë verë Ardiani në fakt ka qenë shumë aktiv me këngë të reja.
Si fillim solli “Panorama” në bashkëpunim me Xhensila Myrtezajn që bëri namin dhe deri tani numëron 31 milionë klikime.
Rreth tre javë më parë ai solli Reggaeton, një këngë ritimike dhe tipike verore, teksa më herët këtë javë ai ka publikuar një video në Instagram, duke na njohur pak me këngën e re që na erdhi e papritur fare.
Kënga titullohet “Juliet” dhe nuk ka ende detaje lidhur me faktin se kur do publikohet, por me siguri më shpejt nga sa presim.
https://www.instagram.com/p/CEOx7-JKTOv/?utm_source=ig_web_copy_link
E teksa ne nisëm numërimin mbrapsh për “Juliet”, më 28 gusht ai publikoi “Të dua” në bashkëpunim me Mudi.
