Zaimina Vasjari është duke shijuar javët e fundit të shtatzënisë së saj. Së shpejti vajza e saj Khloe do të vijë në jetë dhe do të ndihet shumë me fat me një mami kaq seksi sa Zaimina.
Këngëtarja simpatike ka ndarë me fansat vazhdimisht foto nga momentet e pritjes së ëmbël. Në çdo foto na ka befasuar me linjat e saj perfekte. Në fillimet e shtatzënisë kishte një trup aq perfekt dhe një bark gati të padukshëm që të gjithë nuk e besonin se ajo ishte shtatzënë.
Gjatë festës së “baby shower”-it arritëm të shikonim barkun e saj të rrumbullakosur që i kishte dhënë një nur të veçantë. Ditët e fundit Zaimina ka realizuar fotot e fundit para ardhjes në jetë të vogëlushes së saj. Këto foto i ka ndarë me fansat dhe për herë të parë na prezantoi edhe partnerin e saj.
Një pamje e adhurueshme nga të gjithë. Shumë vajza që janë shtatzënë mbase janë duke pyetur veten se si Zaimina ka ruajtur këto linja. Vajza nuk ka ndonjë sekret, këngëtarja sapo na zbuloi me një postim në “Instagram” që çdo gjë është falë gjeneve të saj.
“Më kanë pyetur shumë gjatë shtatzënisë lidhur me dietën që kam mbajtur dhe, përveç gjeneve, kam ngrënë shëndetshëm gjatë kësaj periudhe dhe trupi ka shtuar vetëm peshën e vogëlushes. Kështu që duajeni veten vajza”, shkruan Zaimina në postimin e saj, pas një fotoje nga seti i fundit i shtatzënisë.
