Yll Limani vijon të jetë në qendër të vëmendjes. Ai vazhdon të publikojë hite të njëpasnjëshme dhe të grumbullojë miliona klikime në Youtube.
Gjithashtu, ai po zhvillon edhe koncerte të shumta, ku fansat janë një mbështetje shumë e madhe për këngëtarin.
Së fundmi, Ylli ka publikuar një story, ku ka uruar Ledri Vulën për ditëlindjen. “Urime ditëlindja @Ledrivula. Ishalla edhe 100 tjera me tonat tonat tonat t’mirat. Shihemi se shpejti”, shkruan Ylli.
Por jo vetëm kaq pasi nëpërmjet urimit, Ylli ka zbuluar edhe detaje nga bashkëpunimi i tij i radhës, që në fakt është me Ledri Vulën.
Projekti i tyre më i ri muzikor titullohet “Tonat”. Vetë Ylli e bëri me dije.
Më herët, Ylli në një intervistë, ka thënë se ai ka shumë pasiguri.
“Kam pasiguri. Kam pasiguri si dukem, kam pasur pasiguri duke u rritur.‘Body insecurities’, jo t’i kem krahët e gjerë, të kem ‘six pack’ (muskuj barku), të shkoj në palestër. Kur atë pasiguri e shndërron në motivacion për të qenë më i shëndetshëm, je më i shëndetshëm edhe mendërisht”, ka rrëfyer Ylli.
Jo vetëm kaq por këngëtari është një personazh që nuk është bërë pjesë e mediave për skandale.
“Nuk jam prej atyre figurave publike që them, jo po portalet ma nxin jetën, jo po nuk më lënë rehat. Ti ke zgjedhur këtë jetë ku ti përflitesh. Shumica e personazheve publik edhe në Shqipëri edhe në botë nuk është se nuk kanë qejf t’i përmendin portalet, e kam vënë re te disa një lloj kënaqësie. Thonë që nuk u bëhet qejfi, por është një lloj varësie ndaj të qenurit tërë kohën në portale se përndryshe nuk na kishin dhënë material. Mua kurrë nuk më ka pëlqyer jeta e shtrenjtë, drogërat, më pëlqejnë festat më private”, ka thënë Ylli.