Këngëtarja e njohur shqiptare, Orgesa Zaimi publikoi dy ditë më parë projektin e ri muzikor me titull “Cunami”.
Për realizimin e kësaj kënge, ajo ka bashkëpunuar me disa nga emrat më të njohur të muzikës si, Aida Barakun, Armend Rexhepagiqin, Fatjon Miftarin dhe Ylli Limanin.
Por pas çdo pune me shumë përkushtim, ka edhe shumë qejf. Ka qenë Orgesa ajo që ka ndarë një video shumë funny, ku shfaqet Ylli Limani teksa kërcen dhe këndon e papritur rrëzon një pjesë të “murit” rrethues.
“Në punë e sipër ka edhe incidente!”, ka shkruar këngëtarja me plot humor, duke falenderuar Yllin dhe Fatjonin për punën.
Së fundmi, Ylli Limani ka qenë i ftuar në programin “Edicioni Veror” ku ka dhënë më shumë detaje përsa i përket karrierës së tij. Në një intervistë për gazetaren Irini Meçe, ai dha lajme të mira për të gjithë fansat e tij pasi u shpreh se kjo verë do të sjellë edhe projekte të tjera të tij dhe po ashtu tha se po punon për albumin e ri.
“Ndoshta do të ketë. Jemi në finalizim të disa këngëve. Pak a shumë ca kanë ndihmuar edhe këto koncertet e verës është me pa ku jemi me demo që i kemi punuar gjatë pandemisë, sepse ndërron tendenca. Do të ketë shumë projekte të reja. Albumi ka dy vjet që ka filluar të punohet,” u shpreh Ylli.
