Këngëtari shumë i dashur për publikun shqiptar Ylli Limani pas pak çastesh pritet të performojë në festivalin Colour Day Festival që po mbahet aktualisht në sheshin “Nënë Tereza”.
Ai është prononcuar ekskluzivisht për “iconstyle.al” për projektet e tij të verës, mirëpo lidhur me to ka edhe një siklet të vogël që e shqetëson: “Kam përgatitur tre projekte. Akoma po i mbaj pak sekret për shkak se janë në fazën e fundit të përfundimit edhe realisht më ka kap një siklet se nuk po di cili do jetë projekti i parë që do e lançoj.”
Kësisoj thelbin e gjithë kësaj deklarate mund ta cilësojmë si një superlajm për të gjithë fansat e shumtë të këngëtarit të mirënjohur.
Në vijim Ylli u shpreh se mundet që së shpejti të publikojë një bashkëpunim dhe nëse vendoset nga të dyja palët që të dalë, atëherë do jetë një prej këngëve më të bukura të verës dhe ne nuk kemi as dyshimin më të vogël për këtë.
Bashkëpunimi në fjalë do të jetë i kompozuar dhe i shkruar nga vetë Ylli dhe mezi po presim.
“Për njërën nga këngët kam bashkëpunuar me dy ikonat e muzikës shqiptare, me Armend Rexhepagiqin edhe Aida Barakun”, pohoi Ylli për “iconstyle.al”.
