Djali 1 -vjeçar i yllit të muzikës nigeriane D’banj është mbytur në pishinën e shtëpisë së tij në qytetin e Lagos.
D’Banj nuk e konfirmoi direkt incidentin e së dielës, por vendosi një foto me shenjën e zisë në llogarinë e tij Instagram me titullin: “Koha e provës, por Zoti im është përgjithmonë besnik”.
Ai ishte në Los Anxhelos duke ndjekur ceremoninë e çmimve BET kur djali i tij vdiq. Ylli i muzikës ‘afropop’ fitoi famë botërore në vitin 2012 me këngën “Oliver Twist”.
