Conor McGregor dhe partnerja e tij Dee Devlin janë martuar në një ceremoni të fshehtë në Vatikan, raporton The Sun. Sipas medias, ‘gërmuesit’ e rrjeteve sociale kanë gjetur shenja të shkëmbimit të betimeve. Çifti është kurorëzuar në Chiesa di Santo Stefano degli Abissini.
Fansat e tij janë përpjekur të rrëmojnë për çdo foto që provojnë se dasma është mbajtur gjatë së premtes.
Forged Irish Stout, biznesi që ai hapi për të konkurruar Guinness, postoi një foto të çiftit të vitit 2021 ku shkruhej “McGregor Day 12.12.”
Një nga miqtë e tij nxiti edhe më shumë dyshimet sepse në një nga fotot e postuara në Story shkruhej: “Kur je në Romë.” Burime nga Vatikani për Irish Independent thanë se kisha ishte e prenotuar për një ceremoni private.
Një burim pranë familjes ishte shprehur më herët: “Conor dhe Dee duan të martohen para Krishtlindjes dhe po planifikojnë një dasmë në Vatikan në Romë. Ata janë të dy katolikë të devotshëm dhe ëndërrojnë të martohen atje.”
Çifti është bashkë prej vitit 2008 dhe ka katër fëmijë. Dyshja ka më shumë se pesë vite fejesë dhe i ka rezistuar një dekade të vështirë fame botërore, fitimesh marramendëse dhe skandalesh që kanë lëkundur imazhin e tyre.
