Adam Levine dhe Behati Prinsloo janë bërë prindër për herë të parë, pasi engjëlli i Victorias Secret lindi një vajzë. Vogëlushja që mban emrin Dusty Rose Levine, erdhi në jetë të mërkurën më 21 shtator. Supermodelja, 27-vjeçare, lindi në L.A. e rrethuar nga familja dhe një burim për “Us Weekly” konfirmoi se çifti, të cilët ishin përpjekur për një lindje në shtëpi, janë shumë të gëzuar.
“Gjithçka shkoi mirë dhe fëmija është e bukur. Ata janë një çift shumë të lumtur dhe të ngazëllyer për të filluar jetën me familjen e tyre. Mund t’ju them se ata kanë bërë një foshnjë shumë të bukur së bashku”.
Ylli i grupit rrok Maroon 5, 37 vjeç, qëndroi pranë gruas së tij gjatë gjithë javës, madje anuloi edhe një koncert të hënën kur Prinsloo ishte gati për të lindur. Në një deklaratë të postuar në faqen e grupit u komunikohej fansave arsyeja e anulimit të koncertit.
“Adam ishte në sallën e lindjes duke mbajtur duart e Behati-t. Ata dy u përlotën kur ajo lindi. Të dyja familjet janë atje tani”, thotë një burim për E! News. “Foshnja është e bukur. Ajo duket si Behati”.
Burimi: Us Weekly
