Ikona e golfit, Tiger Woods, është përfshirë së fundmi në një aksident të rëndë me makinë. Mjeti i 45-vjecarit pësoi një aksident për arsye ende të pacaktura dhe u rrotullua disa herë në rrugën që çon nga vila e tij në kompleksin Rolling Hill deri në Rancho Palos Verdes, duke u shkatërruar plotësisht.
Forcat zjarrfikëse që shkuan në vendngjarje u detyruan të nxirrnin sportistin pasi prenë me mjete specifike llamarinat. Woods është transportuar në një spital të afërt, ku sipas agjentit të tij Mark Steinberg, kampioni ndodhet ende në sallë operacioni, ndër të tjera me këmbët e thyera.
“Tiger Woods ishte vetëm gjatë aksidentit me makinë që ndodhi këtë mëngjes në Kaliforni. Ai ka pësuar disa dëmtime në këmbë. Aktualisht është në operacion dhe ne ju falenderojmë për privatësinë dhe mbështetjen tuaj”, ka thënë Steinberg në një deklaratë pasi lajmi u bë publik.
A look at the car Tiger Woods was in. https://t.co/biSQfMW0sK pic.twitter.com/WubFojEGfi
— Cody Chaffins (@CodyChaffins) February 23, 2021
Shkalla e plotë e lëndimeve ende nuk dihet, megjithëse autoritetet thanë se ato nuk konsiderohen me rrezik për jetën. Aktualisht autoritetet besojnë se alkooli nuk ka pasur rol në këtë aksident të rëndë. Ndërkohë Los Angeles Times njoftoi se Woods po udhëtonte me një shpejtësi të madhe para se të humbte kontrollin e automjetit. Makina e tij kaloi vijën ndarëse të rrugës dhe u rrokullis disa herë para se të ndalej rreth 30 metra larg rrugës, sipas njoftimeve.
Ëoods është nga Kalifornia Jugore dhe ka fituar 15 kampionate të rëndësishme golfi të turneut PGA. I konsideruar si një nga më të mëdhenjtë në historinë e golfit, Woods kishte qenë gjatë fundjavës që shkoi mikpritës i turneut Genesis Invitational në Riviera Country Club.
