Pak kohë më parë Yll Limani përjetoi një situatë të vështirë si “prind”. Po, po sepse kështu e konsideronte ai maçokun e tij, si një fëmijë.
Loki, maçoku i këngëtarit në muajn gusht ngordhi, ngjarje që e preku shumë Yllin. Këtë e tregoi vetë ai nëpërmjet Instagramit, ku disa herë ka ndarë “kujtime” më të apo edhe dedikime të ndjera.
Së fundmi, për të mbushur boshllëkun që i ka lënë Loki, Ylli i ka shtuar familjes së tij një anëtar të ri. Lajmin e ka bërë të ditur vetë, Limani me anë të një Instastory.
“Ju prezantoj Yiki-in,”-shkroi Ylli krahas fotos së maçokut të tij të ri.
“Të mërkurën rreth orës 09:00 të mëngjesit, Loki ka dalë në oborrin e shtëpisënë shumë pak sekonda që dera ka qenë e hapur. Menjëherë është sulmuar nga 8 qen endacakë në oborrin e shtëpisë… vazhdimin s’kam zemër me e shkrujt, ashtu siç nuk kisha zemër të shihja kamerat e sigurisë së shtëpisë tonë,”-shkruante Yll Limani ditën që humbi maçokun e tij.
Yll Limani ka publikuar shpesh momentet dhe ‘dedikime’ për maçokun e tij Lokun. Vetëm pak kohë para ngjarjes ai ndau në Instagram një foto duke përqafuar Lokin dhe krahas saj ai bëri një shkrim sa emocionues edhe qesharak.
“Lokin nuk do ta shikoj për tre ditë kështu që e kam përqafuar mbrëmë aq sa është mërzitur por nuk më intereson fare sepse unë e kam blerë jo ai mua”– shkroi artisti.
