Sot çdo kush është në shënjestër në Internet, aq më tepër VIP-at. Së fundmi, i piketuari ka qenë këngëtari i njohur dhe shumë i dashur për publikun shqiptar, Ylli Limani.
Ai është diskutuar shumë në rrjet për buzët e tij. Madje, shumë ndjekës kanë dyshuar se ai mund të ketë bërë një ndërhyrje në buzë.
Por a ka bërë ai ndërhyrje në buzë vërtetë?
Ylli ka publikuar një video, ku nëpërmjet humorit ai ka shpjeguar se buzët i ka të vetat dhe nuk ka bërë asnjë ndërhyrje.
“Të miat janë, ju betohem,”-dëgjohet që thotë ai në videon që ka publikuar.
Më herët, Ylli në një intervistë, ka folur për jetën e tij personale dhe profesionale, por duke u ndalur dhe te pasiguritë e tij.
“Kam pasiguri. Kam pasiguri si dukem, kam pasur pasiguri duke u rritur.‘Body insecurities’, jo t’i kem krahët e gjerë, të kem ‘six pack’ (muskuj barku), të shkoj në palestër. Kur atë pasiguri e shndërron në motivacion për të qenë më i shëndetshëm, je më i shëndetshëm edhe mendërisht”, ka rrëfyer Ylli.
Jo vetëm kaq por këngëtari është një personazh që nuk është bërë pjesë e mediave për skandale.
“Nuk jam prej atyre figurave publike që them, jo po portalet ma nxin jetën, jo po nuk më lënë rehat. Ti ke zgjedhur këtë jetë ku ti përflitesh. Shumica e personazheve publik edhe në Shqipëri edhe në botë nuk është se nuk kanë qejf t’i përmendin portalet, e kam vënë re te disa një lloj kënaqësie. Thonë që nuk u bëhet qejfi, por është një lloj varësie ndaj të qenurit tërë kohën në portale se përndryshe nuk na kishin dhënë material. Mua kurrë nuk më ka pëlqyer jeta e shtrenjtë, drogërat, më pëlqejnë festat më private”, ka thënë Ylli.
